පාසැල් සදහා භාවිතා කල හැකි ශ්‍රී ධීරානන්ද දුරස්ථ අධ්‍යාපන මොඩියුලය

පවතින තත්වය හමුවේ නැවත පාසැල් විධිමත් අධ්‍යාපන කටයුතු සදහා ඇරඹිය හැකි දිනයක් පිළිබදව අදහසක් නොමැති බැවින් සියලුම පාසැල් විවිධ ක්‍රම ඔස්සේ දුරස්ථ අධ්‍යාපනයට යොමුවී පවතී. පාසැල් සදහා දුරස්ථ අධ්‍යාපනය වෙනුවෙන් යොදාගත හැකි වඩාත් ප්‍රතිඵල දායක ක්‍රමවේදයක් දැනට බප/කැල/ ශ්‍රී ධීරානන්ද විද්‍යායතන පිරිවෙන මගින් මේ වන විට ක්‍රියාවේ යොදවයි. එම ක්‍රමය ශ්‍රී ලංකාවේ බහුතර පාසැල් සදහා සුදුසු ක්‍රමවේදයක් බැවින් අනෙකුත් පාසැල් සදහා භාවිතා කිරිමට එම ක්‍රමවේදය මෙසේ ඉදිරිපත් කරමි.

1.      ගුරුභවතුන්ගේ වට්ස්ඇප් සමූහයක් සකස් කර ගැනීම
2.      ගුරු සමූහය හරහා යොදාගත් වේලාවකදි ගුරු සාකච්ඡාවක් පවත්වා තම පිරිවෙනට ගැලපෙන ක්‍රමවේදයක් යොජනා කර ගැනීම. මේ සදහා voice massage සහ text massage භාවිතා කල හැකිය.
3.     තාක්ෂණික හැකියාව ඇති ගුරු භවතුන් කිහිපදෙනෙකු මෙහෙයුම් කණ්ඩායමක් සකස් කර ගැනීම
4.     ශ්‍රේණි වශයෙන් වට්ස්ඇප් සමූහ සකස් කිරීම සහ පන්ති භාර ගුරුවරුන් මාර්ගයෙන් එම සමූහ සදහා සිසුන් ඇතුලත් කිරීම
5.      සෑම කණ්ඩායමක් සදහාම අධීක්ෂණය සදහා විදුහල්පති/ නියෝජ්‍ය විදුහල්පති සහ මෙහෙයුම් කණ්ඩායමේ ගුරුවරයෙක් ඇතුලත් කිරීම කල යුතුය.
6.      විෂය ඉගැන්වීමට විෂය භාර ගුරුවරු සමූහ වලට ඇතුලත් කිරිම
7.      දිනකට විෂයයන් දෙකක් (උදය වරුව පැය 1 වි 30 ක් සහ සවස් වරුව පැ 1 වි30) යෙදෙන පරිදි කාල සටහනක් සකස් කර ගුරුවරුන්ට එම කාලය තුල ඉගැන්වීම් කටයුතු සිදු කිරිමට යොමු කිරිම.
8.      ගුරුවරුන් විසින් සිදු කල යුත්තේ ඉගැන්වීම් කාර්යයි. කොහේ හෝ ඇති පැරණි ප්‍රශ්න පත්‍ර  සමූහ තුලට ඇතුලු කිරිම නොවේ. ඉගැන්වීම සදහා පින්තූර, හඬ පණිවුඩ, වීඩියෝ, වචන ආදි සෑම ක්‍රමයක්ම භාවිතා කල හැකිය. පාඩම ඉගැන්වීම, සටහන් ලබා දීම, අභ්‍යාස ලබා දීම, අභ්‍යාස සිදුකර නැවත ගෙන්වාගෙන ඒවායේ නිවැරදිතාවය පරික්ෂාකර ලබාදීම ආදිය සිදු කල යුතුය.
9.      මෙම පන්තිකාමර ඉගැන්වීම් ක්‍රියාවලිය බ්ලොග් අඩවියක් තුල එක් කිරීම මගින් දෛනික පන්ති වලට පැමිණිමට අපහසු සිසුනට පසුව එම පාඩම් වෙනත් දිනකදී  අධ්‍යයනයට හැකිවේ.

මේ සදහා සහය ලබා ගැනීම සහ අධ්‍යයනය කිරිමට පහත ලිපි කියවිම යෝජනා කෙරේ.

·        http://vihindi.blogspot.com/2020/03/blog-post_22.html

·        http://vihindi.blogspot.com/2020/04/whatsup.html

·        http://vihindi.blogspot.com/2020/04/blog-post_23.html

·        https://wpsdvp.blogspot.com

·        https://youtu.be/xQyyRd0cGLQ

පින්තුරය අන්තර්ජාලයෙන්

ඉහත සියලුම ලිපි සහ අඩවි අධ්‍යයනය කිරිමෙන් අනතුරුව තවත් ගැටලු පවතීනම් පමණක් විමසන්න.

ලක්ෂ්මන් තිලකරත්න

ගම්පහ දිස්ත්‍රික් පිරිවෙන් ගුරු උපදේශක

තොරතුරු හා සන්නිවේදන තාක්ෂණ විෂය භාර ආචාර්ය

බප/කැල/ ශ්‍රී ධීරානන්ද විද්‍යායතන පිරිවෙන,

තැඹිලිගස්මුල්ල, මාකොල

දුරකතන අංක 076 7458267

e-mail- laxdheerananda@gmail.com