පොළොන්නරු යුගයේ නූතන පරපුර...

නුවරඑළියේ ගිහන් එන අතර මගදී කිතුල්ගල පහු කරලා ටිකදුරක් එනකොට දකුණු පැත්තට යන පාරක් ලග තොරණක් ගහලා තිබුනා.

"තාත්තේ.. ලෝකේ ලොකුම සැතපෙන පිළිමේ නෙළනවාලු.. යමුකෝ බලන්න...."

ඒ වෙනකොටත් ටිකක් දුරට ගිහින් තිබුන වාහන ය ආපහු හැරුනා.

රුවන්වැල්ල - හුඹස්වලාන ශ්‍රී ශෛලබිම්බාරායේ ලෝකයේ දිගින් වැඩිම සැතපෙන ශෛලමය බුදුපිළිමය නෙලන ස්ථානය ට යන මාර්ගය බව සදහන් පුවරුවක් වගේම තොරණකුත් එතන ඉදිකරලා තිබුනා. එතනින් ඇතුලට මාර්ගයේ කිලෝමීටර දෙකක් විතර ගියාම තමයි පන්සල හම්බවෙන්නේ. පාරට දකිනකොට ලොකු පෙනුමක් නැති වුනාට කන්ද නැගලා ඉහලට යනකොට ගමේ පන්සලක අපූරත්වය දකින්නට පුළුවන්. 

පන්සලේ චෛත්‍යයත් පහු කරලා තවත් ඉහළට නැංගම පිහිටි ගල් තලාවේ නෙලමින් පවතින පිළිම වහන්සේ දකින්න පුළුවන්.

ඇත්තටම අනුරාධපුරයේ, පොළොන්නරුවේ ගිහින් ඒ ඉතිහාසය ගැන ආඩම්බර වෙන අපිට මෑත ඉතිහාසයේත් ඒ වගේ දක්ෂ ශිල්පියෝ ඉන්නවා කියන්න හොදම සාක්ෂියක් තමයි මේ මහා නිර්මාණය. විශේෂත්වය තමයි සම්පූර්ණ නිර්මාණය  අපේ රටේ පාරම්මරික ශිල්පීන් අතින් සිදුවීම. සබරගමු පළාතේ සංඝනායක ශාස්ත්‍රපති නාරංගස්තැන්නේ ධම්මකිත්ති නායක හාමුදුරුවෝ තමයි මේ මහා නිර්මාණයේ නියමුවානන් වහන්සේ.

රුපියල් දහසේ නෝට්ටුවක් විහින්දිගේ අතට ලැබුනා. දුවේ මේක පිළිමේ හදන්න ආධාරයක් විදියට පූජා කරලා එන්න.

"මේ පිළිමෙ නෙළන්න කෝටි 700 ක් විතර යනවා. ඔයාලා දෙන ආධාර මුදල් වලින් තමයි ඒ දේවල් සිද්ද වන්නේ." එතන හිටපු හාමුදුරුවන් වහන්සේ නමක් කිව්වා.

අවුරුදු දහස් ගණනනක් පවතින ලක්ෂ ගණනකගේ වැදුම් ලබන මහා නිර්මාණයක් කරන්න පුංචි හෝ දායකත්වයක් දෙන්න ඔයාලටත් පුළුවන් නම් මේ පින්තූරයේ විස්තර තියෙනවා.

ගිණුම් අංක- 081-2-001-5-001-4319 මහජන බැංකුව- රුවන්වැල්ල

දුරකතන අංක -033 2265239/ 071 9990409

තෙරුවන් සරණයි!